Que valorará o xurado para seleccionar os finalistas?

• FAINO SUSTENTÁBEL E ECODESEÑADO

  Valorarase a claridade e efectividade da mensaxe na pancarta/vídeo para promover prácticas sustentábeis na aula. O traballo debe reflectir un ou varios dos cinco eixos de sustentabilidade: redución e optimización da auga, eficiencia enerxética, autoconsumo e enerxías renovábeis, economía circular e saúde e ambiente.

• FAINO CREATIVO

  Valorarase a orixinalidade e creatividade do deseño e a mensaxe da pancarta/vídeo. Consideraranse aquelas propostas que presenten ideas innovadoras e capten a atención do alumnado de maneira efectiva, convertendo a pancarta/vídeo nun elemento atractivo e persuasivo.

• FAINO CON CALIDADE

  Valorarase o coidado na execución da pancarta/vídeo, a claridade da mensaxe e a coherencia visual do deseño. Alén diso, avaliarase a calidade do material utilizado e a presentación xeral do traballo.

• FAINO CON IMPACTO

  Valorarase a capacidade da pancarta/vídeo para influír e motivar a outros alumnos/as e membros da comunidade educativa a adoptar prácticas sustentábeis. Considerarase o potencial da mensaxe para transcender a aula e chegar a un público máis amplo dentro do centro educativo.

(Aqueles traballos que non cumpran coas bases legais do concurso serán descartados.)

Como será o proceso de valoración dos gañadores?

• Selección de finalistas: Entre os proxectos presentados, farase unha preselección a través dunha mesa técnica dos 5 traballos finalistas de cada categoría (A, B, C e D) que cumpran cos criterios de participación e bases legais do concurso, que pasarán á fase nacional, ademais de gañar unha experiencia para a clase valorada en 200 € e un diploma de finalista.
• Fase nacional: O xurado nacional elixirá un único traballo de cada unha das catro categorías participantes. Estes serán os gañadores nacionais. 

Descubre os premios aquí!