Hazlo Verde 6 - De residuos a recursos

HAZLO VERDE. MISIÓN #DERESIDUOSARECURSOS.

Que o planeta nos necesita é algo que sabemos. Só a través dos nosos actos podemos facer que a vida nel sexa mellor. Isto fai que fomentar educativamente hábitos sustentables ou de consumo responsable cada vez sexa máis crucial para cumprir os ODS propostos na Axenda 2030.

Por iso, nesta edición, presentámosvos a Misión #deResiduosaRecursos, un programa escolar de ACCIÓN EDUCATIVA para traballar a economía circular, comprender a produción e o consumo responsable (ODS-12) e fomentar a actitude de mellorar a nosa contorna coas nosas propias mans.

Todo dunha maneira moi creativa e orixinal, convertendo ao alumnado nos protagonistas!

ACTITUDE “ZERO WASTE”!

#DeResiduosaRecursos é unha actitude, un xiro na nosa forma de pensar, unha forma de mirar a nosa contorna sentíndonos partícipes.
E é que non sempre se trata de “reciclar”, antes debemos pensar se podemos reparar ese residuo e darlle unha “segunda vida” co noso enxeño.
É o que chamamos Misión #deResiduosaRecursos!

E nisto, o teu alumnado e ti tedes moito que achegar!

ACTUANDO NO LOCAL, CAMBIANDO O GLOBAL!

Todos os participantes realizarán unha recollida de residuos na súa contorna! E logo, transformarán estes residuos en recursos para os seus murais artísticos ou os seus proxectos ou obxectos funcionais, segundo sexan Artivistas ou Change Makers!

O alumnado converterase en axente de cambio da súa contorna!

INSPIRANDO O MUNDO ENTEIRO!

Ademais, este ano utilizaremos o poder das redes sociais para que as boas ideas soen máis forte e cheguen máis lonxe.

Quen mellor que eles para converterse en #greenfluencers! Mozos que, coas súas grandes ideas, son capaces de inspirar a súa contorna pola sustentabilidade, alzando as súas voces polas redes sociais.

APUNTÁDESVOS A CAMBIAR O MUNDO?